اولان باتار(انٹرنیشنل ڈیسک) روسی صدر ولادیمیر پیوٹن عالمی عدالت کے وارنٹ گرفتاری کے باوجود منگولیا کے دورے پر پہنچ گئے ہیں، جہاں ان کا پرتپاک خیر مقدم کیا گیا۔ گزشتہ سال بین الاقوامی فوجداری عدالت (آئی سی سی) نے پیوٹن کے وارنٹ گرفتاری جاری کیے تھے۔ روسی رہنما یوکرین کے بچوں کی مبینہ غیر قانونی ملک بدری کے الزام میں عالمی عدالت کو مطلوب ہیں۔ منگولیا کے صدر نے دارالحکومت اولان باتار میں ایک پروقار تقریب میں ان کا استقبال کیا اور گھوڑوں پر سوار فوجیوں نے چنگیز خان اسکوائر پر انہیں سلامی پیش کی۔
