اسلام آباد(آن لائن) الیکشن کمیشن نے وفاقی دارلحکومت کے الیکشن ٹریبونل کی تبدیلی پرفریقین سے جواب طلب کر تے ہوئے سماعت اگلے منگل تک ملتوی کردی۔منگل کو وفاقی دارلحکومت کے ا نتخابی ٹریبونل کے تبدیلی سے متعلق کیس کی سماعت چیف الیکشن کمشنر کی سربراہی میں چار رکنی بنچ نے کی، اس موقع پر د رخواست گزاروں کے وکلا الیکشن کمیشن میں پیش ہوئے اورپی ٹی آئی کے وکلا نے جواب جمع کرانے کے لیے وقت مانگ لیا، اس موقع پر ن لیگی امیدوار انجم عقیل کے وکیل نے کمیشن سے استدعا کی کہ ہمیں درخواست جمع کرانے کے لیے وقت چاہیے ہمیں دو ہفتے کی مہلت دیدیں جس پر چیف الیکشن کمشنر نے کہاکہ آئندہ تاریخ سے قبل جواب جمع کرائیں دو ہفتے نہیں دے سکتے ہیں ،اس موقع پر چیف الیکشن کمشنر نے کیس کی سماعت آئندہ منگل تک ملتوی کر دی گئی۔
