لندن (انٹرنیشنل ڈیسک ) چین اورنیپال کی سرحد پر واقع ماؤنٹ ایورسٹ قریبی دریا کے کٹاؤ کی وجہ سے ہر سال بلند ہو سکتا ہے۔ یونیورسٹی کالج لندن کے ماہرین نے مختلف ماڈل کا استعمال کرتے ہوئے ہمالیہ میں دریاؤں کے ارتقا کا جائزہ لیا تاکہ معلوم کیا جا سکے کہ 8ہزار 849 میٹر اونچی ایورسٹ طویل عرصے تک کیسے بڑھی ہے۔ محققین نتیجے پر پہنچے کہ تقریباً 89 ہزار سال قبل ایورسٹ کے قریب واقع دریائے ارون دریائے کوسی میں ضم ہو گیا تھا ۔
