کراچی: پولیس چیف جاوید عالم اوڈھو نے چینی باشندوں کی سیکیورٹی کو ہر ممکن فول پروف بنانے کیلیے سینئر افسران کو اہم ہدایت جاری کرتے ہوئے کہا ہےکہ افسران سیکیورٹی انتظامات کا مکمل جائزہ لیں گے اور وہاں پر موجود افسران و اہلکاروں کو مکمل آگاہی بھی فراہم کرینگے۔
میڈیا رپورٹس کے مطابق سندھ بوائز اسکاوٹس آڈیٹوریم میں ماتحت افسران سے خطاب کرتے ہوئے پولیس چیف نے کہاکہ شہر میں کرائم کے خاتمے کے لیے کومبنگ آپریشن اور پیٹرولنگ میں اضافہ کیا جائے، شہر کے اندرونی و خارجی راستوں پر اسنیپ چیکنگ اور ناکہ بندی میں اضافہ کیا جائے۔
انہوں نے پولیس افسران کو انٹیلیجنس نیٹ ورک متحرک کرنے کی بھی ہدایات جاری کرتے ہوئے پولیس کی کارکردگی کو سراہا اور انہیں جرائم اور دہشت گردی کے خلاف موثر حکمت عملی کو مرتب کرنے کے احکامات جاری کیے۔
