چیئرمین پاکستان کرکٹ بورڈ (پی سی بی) محسن نقوی آئی سی سی بورڈ میٹنگ کے لیے دبئی روانہ ہو گئے۔
ذرائع کا کہنا ہے کہ چیئرمین پاکستان کرکٹ بورڈ (پی سی بی) محسن نقوی آئی سی سی بورڈمیٹنگ میں شرکت کریں گے اور آئی سی سی بورڈ اراکین کو چیمپئنز ٹرافی سے متعلق اعتماد میں لیں گے۔
ذرائع کے مطابق چئیرمین پی سی بی محسن نقوی آئی سی سی میٹنگ میں چیمپئنزٹرافی پرتفصیلی گفتگو کریں گے اور وہ چیمپئنز ٹرافی سے متعلق بریفنگ دیں گے۔
واضح رہے کہ اس سے قبل چیئرمین پی سی بی نے صبح سویرے قذافی اسٹیڈیم کا دورہ کیا ،انہوں نے تعمیراتی کاموں پر پیشرفت کاجائزہ لیا،انکلوژرز کی اپ گریڈیشن کے کام کامعائنہ کیا اور پروجیکٹ پر کام کی رفتار تیز کرنے کی ہدایت کی تھی۔
