میکسیکوسٹی: وسطی میکسیکو میں مسافر بس گہری کھائی میں جاگری جس کے نتیجے میں 19 افراد ہلاک جبکہ 6 زخمی ہوگئے۔
غیر ملکی خبررساں ادارے کے مطابق بس کو حادثہ میکسیکو کی وسطی ریاست زکاٹیکاس میں پیش آیا جہاں بس مکئی لے جانے والے ٹریکٹر سے ٹکرا کر کھائی میں جا گری۔
رپورٹ کے مطابق حادثے کے نتیجے میں 19 افراد موقع پر ہی دم توڑ گئے جبکہ چھ افراد کو زخمی حالت میں اسپتال منتقل کردیا گیا جہاں ان کا علاج معالجہ جاری ہے تاہم ٹریکٹر ڈرائیور موقع سے فرار ہوگیا۔
