حیدرآباد (اسٹاف رپورٹر) ڈسٹرکٹ ایجوکیشن آفیسر پرائمری حیدرآباد نے پرائمری اسکول ٹیچرز کی آسامیوں کے امتحانات فیز تھری سیکنڈ رائونڈ میں کامیاب ہونے والے اُمیدواروں کو مذکورہ آفس سے 7 یوم کے اندر اپنے تقررنامے وصول کرنے کی ہدایت کی ہے۔ انہوں نے کہا کہ اگر کامیاب اُمیدواروں نے اس ہدایت پر عمل نہ کیا تو ان کی سیٹوں کے لیے میرٹ کے مطابق دیگر منتظر اُمیدواروں کو مقرر کر دیا جائے گا۔
