کراچی:پاکستان، نیوزی لینڈ اور جنوبی افریقا کے درمیان سہ ملکی سیریز کے آخری میچ اور فائنل کی تاریخ میں رد و بدل کیا گیا ہے۔
نجی ٹی وی کی رپورٹ میں ذرائع کے حوالے سے بتایا گیا ہے کہ نئے شیڈول کے مطابق، آخری میچ 13 فروری کو ہوگا جبکہ فائنل 15 فروری کو کھیلا جائے گا۔ پہلے یہ مقابلے 12 اور 14 فروری کو ہونے تھے۔ سیریز کا مقصد 19 فروری سے شروع ہونے والی چیمپیئنز ٹرافی کے لیے تیاری ہے۔
پی سی بی کے ترجمان کے مطابق کراچی میں مقابلوں کی تاریخوں میں تبدیلی زیر غور تھی، تاہم ابھی تک حتمی فیصلہ متوقع ہے۔
