ریاض: سعودی عرب میں قومی دن کے موقع پر ملک بھر میں عام تعطیل کا اعلان کردیا گیا ہے۔
عرب نیوز ایجنسی کی رپورٹ کے مطابق سعودی وزارت افرادی قوت و سماجی ترقی کی جانب سے یوم وطنی کے موقع پرملک بھر میں سرکاری تعطیل کا باقاعدہ اعلان کردیا گیا ہے۔
خبرایجنسی کی رپورٹ کے مطابق اعلامیے میں کہا گیا کہ 23 ستمبر کو ملک بھر میں سرکاری، نجی اور غیر منافع بخش اداروں میں عام تعطیل ہوگی۔
یہ بات ذہن نشیں رہے کہ یوم وطنی سعودی عرب کا قومی دن ہے، جسے ہر سال بھرپور جوش و خروش سے منایا جاتا ہے۔ ملک کے طول و ارض میں تقاریب، آتش بازی اور ثقافتی سرگرمیوں کا اہتمام ہوتا ہے۔
