کابل: افغانستان کے صوبے خوست میں ایک خوفناک دھماکے سے متعدد خواتین جاں بحق ہونے کی اطلاعات ہیں۔
عالمی میڈیا کے مطابق ملک کے صوبے خوست میں ہونے والا جان لیوا دھماکا گھر میں گیس سلنڈر پھٹنے کے باعث پیش آیا۔ جس میں ایک ہی خاندان کی 3 خواتین جاں بحق اور ایک شخص زخمی بھی ہو گیا۔
حکام کے مطابق صوبائی ترجمان طاہر احرار کا کہنا ہے کہ حادثہ آج جمعہ کی شام کو پیش آیا، جہاں متاثرہ خاندان سرد موسم میں گھر کو گرم رکھنے کے لیے گیس ہیٹر استعمال کر رہا تھا، تاہم گیس کے اخراج کے باعث ہیٹر کا سلنڈر پھٹ گیا۔ جس کی وجہ سے مذکورہ ہلاکتیں رونما ہوئیں۔ رپورٹ کے مطابق حادثے کے نتیجے میں زخمی شخص کو تشویش ناک حالت میں اسپتال منتقل کر دیا گیا ہے۔
