انقرہ : ترکیہ کے مختلف علاقوں میںشدید برف باری کی وجہ سے منفی درجہ حرارت کا 30 سالہ ریکارڈ ٹوٹ گیا ۔
عالمی میڈیا کے مطابق ملک کے مشرقی اناطولیہ کے علاقوں میں مسلسل شدید برف باری کی وجہ سے درجہ حرارت منفی35 تک گرگیا ہے۔ مذکورہ حوالے سے حکومت نے عوام الناس کو وارننگ جاری کرتے ہوئے شدید سردی سے متاثرہ علاقوں میں خود کو گھروں تک محدود رہنے کی ہدایت جاری کردی ہے۔ محکمہ موسمیات کے جاری اعداد و شمار میں صوبہ ہکاری کا قصبہ یوکسیکووا ملک کے سرد ترین رہائشی علاقوں میں سرفہرست رہا۔ مرکزی رپورٹ کے مطابق صلاح الدین ایوبی ائرپورٹ کے گرد و نواح میں درجہ حرارت غیر معمولی طور پر درجہ حرارت منفی 35 ڈگری تک گرچکا ہے۔ جہاں گاڑیاں مکمل طور پر منجمد ہو گئیں اور عمارتوں کی چھتوں سے برف کی بڑی بڑی لٹیں بن گئیں ہیں جبکہ مقامی باشندوں نے خود کو گھروں کے اندر قالینوں اور نائیلون سے ڈھانپ لیا ہے۔
