وزیراعظم کے مشیر رانا ثناء اللہ نے ڈیل مسترد کرنے سے متعلق اپنے بیان کی وضاحت کرتے ہوئے کہا ہے کہ ان کا مؤقف بانی پی ٹی آئی عمران خان کے 24 نومبر کے احتجاج کے تناظر میں تھا۔
انہوں نے کہا کہ اس احتجاج کے دوران بانی پی ٹی آئی اپنے مؤقف سے پیچھے ہٹنے کو تیار نہیں تھے اور اسی حوالے سے انہوں نے ڈیل سے متعلق بات کی تھی۔
رانا ثناء اللہ نے پی ٹی آئی کی جانب سے راجا ناصر عباس اور محمود خان اچکزئی کو اختیارات دینے کے دعوے کو بے معنی قرار دیتے ہوئے کہا کہ ان دونوں شخصیات کو کسی قسم کا اختیار تفویض نہیں کیا گیا۔
ان کا کہنا تھا کہ انہوں نے محمود اچکزئی کو وزیراعظم سے ملاقات کی تجویز دی تھی تاہم انہوں نے ملاقات نہیں کی۔ رانا ثناء اللہ نے مزید کہا کہ حکومت پہلے ہی استحکام پاکستان میثاق کی پیشکش کر چکی ہے۔
یاد رہے کہ عطا تارڑ بھی بانی پی ٹی آئی کے ساتھ کسی ڈیل سے متعلق خبروں کی سختی سے تردید کر چکے ہیں۔
