عالمی بینک کے چیف اکانومسٹ انڈرمٹ گل نے خبردار کیا ہے کہ ایران میں ممکنہ جنگ کے باعث کروڑوں افراد شدید غذائی بحران اور بھوک کا شکار ہو سکتے ہیں۔
واشنگٹن میں ایک خبر ایجنسی سے گفتگو کرتے ہوئے انہوں نے کہا کہ ایسی کسی بھی بڑی جنگ کے اثرات صرف ایک ملک تک محدود نہیں رہتے بلکہ اس کے عالمی سطح پر سنگین نتائج سامنے آتے ہیں۔
ان کا کہنا تھا کہ دنیا بھر میں پہلے ہی تقریباً 20 کروڑ افراد غذائی قلت اور عدم تحفظ کا سامنا کر رہے ہیں، جبکہ ایران میں جنگ کی صورت میں اس تعداد میں مزید بیس فیصد تک اضافہ ہو سکتا ہے، جو ایک بڑے انسانی بحران کو جنم دے گا۔
