تہران: ایران کی متحدہ فوجی کمانڈ کے سربراہ علی عبداللہی نے کہا ہے کہ ایرانی افواج امریکا اور اسرائیل کی کسی بھی ممکنہ کارروائی کا بھرپور مقابلہ کرنے کے لیے مکمل طور پر تیار ہیں۔
ایرانی میڈیا کے مطابق علی عبداللہی نے ایرانی سپریم لیڈر علی خامنہ ای سے ملاقات میں ملکی دفاعی تیاریوں پر بریفنگ دی جبکہ سپریم لیڈر نے فوجی قیادت کو نئی رہنمائی ہدایات سے آگاہ کیا۔
ایرانی میڈیا کے مطابق علی عبداللہی نے کہا کہ ایرانی افواج امریکا اور اسرائیل کی کسی بھی ممکنہ کارروائی کا بھرپور مقابلہ کرنے کے لیے مکمل طور پر تیار ہیں۔انہوں نے خبردار کیا کہ دشمن کی جانب سے کسی بھی غلطی کی صورت میں ایران کا ردعمل تیز، سخت اور فیصلہ کن ہوگا۔
میڈیا ذرائع کے مطابق ملاقات کب ہوئی، اس حوالے سے مزید تفصیلات جاری نہیں کی گئیں۔
