کشتواڑ/ضلع کشتواڑ کے بانجواہ علاقے میں مرنال نالہ کے مقام پر پیر کے روز دو افراد دریائے چناب میں ڈوبنے کا خدشہ ظاہر کیا جا رہا ہے ۔اطلاعات کے مطابق ان کی تلاش کے لیے سرچ آپریشن شروع کر دیا گیا۔ایک عہدیدار نے بتایا کہ دونوں افراد آج دوپہر نامعلوم حالات میں دریائے چناب میں جا گرے۔ واقعے کی وجوہات اور حالات تاحال واضح نہیں ہو سکے ہیں۔
انہوں نے بتایا کہ واقعے کی اطلاع ملتے ہی علاقے میں تلاش اور ریسکیو آپریشن شروع کر دیا گیا تاکہ دونوں افراد کا سراغ لگایا جا سکے۔عہدیدار کے مطابق ریسکیو ٹیمیں دریائے چناب کے مختلف حصوں میں مسلسل تلاش جاری رکھے ہوئے ہیں، جبکہ لاپتہ افراد کی شناخت سے متعلق مزید تفصیلات کا انتظار ہے۔عہدیدار نے مزید بتایا کہ واقعے کا نوٹس لے لیا گیا ہے۔
