واشنگٹن: امریکی صدر ڈونلڈ ٹرمپ نے مصنوعی ذہانت (اے آئی) کی رفتار کو عالمی سطح پر سست کرنے کے مطالبات کو مسترد کردیا ہے۔
رپورٹس کے مطابق صدر ٹرمپ نے ایک بیان میں کہا کہ وہ اس بات پر یقین رکھتے ہیں کہ جو بھی مصنوعی ذہانت کی ترقی میں بازی لے جائے گا، وہی فاتح کا کردار ادا کرے گا۔
صدر ٹرمپ نے کہا کہ وہ ایسی چیز کی ترقی کو ہرگز نہیں روکیں گے، جو صنعتی انقلاب سے بھی بڑی ثابت ہوگی۔
اُن کا کہنا تھا کہ لوگ اے آئی کو صنعتی انقلاب یا خود انٹرنیٹ سے بھی بڑی چیز قرار دیتے ہیں۔
امریکی صدر نے اے آئی کو سُپر انٹیلی جنس کا نام دینے کے اپنے منصوبے کا بھی اعلان کیا اور کہا کہ سننے میں سپر انٹلی جنس کا لفظ اے آئی سے زیادہ بہتر محسوس ہوتا ہے۔
