پرنس آف رومانس کی طرف سے سراہا جانا اعزاز ہے، پریا
ممبئی( نیٹ نیوز) بالی ووڈ کے سینئر اداکار رشی کپور نے اپنے ایک ٹوئٹر پیغا م کے ذریعے پیشن گوئی کی ہے کہ انٹرنیٹ پر راتوں رات شہر ت کی بلندیوں کو چھونے والی پریاپرکاش بڑی اسٹار بنیں گی۔ بھارتی میڈیا کے مطابق رشی کپور نے سوشل میڈیا ویب سائٹ ٹوئٹر پر اپنے پیغام میں کہا ہے کہ وہ اس لڑکی( پریا پرکاش) کیلئے بڑے اسٹار ڈم کی پیش گوئی کرتے ہیں۔ انہیں اس بات کا بھی افسوس ہے کہ پریا ان کے دور میں کیوں نہیں آئیں۔ پریا پرکاش نے کپور کے ٹوئٹ کا جواب کچھ یوں دیاکہ ’’ پرنس آف رومانس‘‘ کی جانب سے سراہاجانا میرے لئے اعزاز کی بات ہے۔
