وزیر ریلوے کو نوٹس جاری، شیخ رشید کی عدالت میں لگنے والی ہے بہت جلد پیشی

لاہور ہائیکورٹ نے ملازمین کی مستقلی کے معاملے پر وزیر ریلوے شیخ رشید اور چیئرمین ریلوے کو توہین عدالت کے نوٹس جاری کردیئے۔
عدالت نے 15 اکتوبر تک وزیر ریلوے سے جواب طلب کرلیا ہے۔ لاہور ہائیکورٹ میں ملازمین کی مستقلی کے معاملے پر وزیر ریلوے کیخلاف توہین عدالت کی درخواست پر سماعت ہوئی، درخواست گزار نے موقف اختیار کیا ہے کہ 70 ملازمین کوعدالتی حکم کے باوجود مستقل نہیں کیاگیا۔
محکمے نے ایک سال سے تنخواہیں روک رکھی ہیں، عدالت نے وزیرریلوے شیخ رشید اور چیئرمین ریلوے کو توہین عدالت کے نوٹس جاری کردیئے ،عدالت نے 15 اکتوبر تک وزیر ریلوے سے جواب طلب کرلیا۔