واشنگٹن: ترک صدر رجب طیب اردوان کا کہنا ہے کہ ترکی روسی ساختہ ایس -400 میزائل دفاعی نظام خریدنا بند نہیں کرےگا۔
ترک صدر طیب اردوان نے دورہ امریکا کے دوران امریکی ہم منصب ڈونلڈ ٹرمپ سے ملاقات کی جس کا مقصد شام میں ترک فوج کی مداخلت کو روکنا اور ایس 400 روسی دفاعی نظام اور دیگر مسائل پر پیدا ہونے والی کشیدگی دور کرنا تھا۔
دوسری جانب ٹرمپ انتظامیہ کا کہنا ہے کہ روسی نظام اپنے ایف 35 لڑاکا طیاروں کے لیے خطرہ ہے۔ یہی وجہ ہے کہ امریکا نے لڑاکا پروگرام میں ترکی کی شرکت معطل کردی ہے۔
واضح رہے کہ ترک صدر رواں ہفتے کے آغاز پرامریکا کے دورے پر روانہ ہوئے تھے۔
