ریاض (انٹرنیشنل ڈیسک) یمن میں حوثی باغیوں کی جانب سے سعودی عرب کے سرحدی علاقے پر حملے میں 4سعودی فوجی ہلاک ہوگئے۔ سعودی ذرائع ابلاغ کے مطابق حملے میں ایک نان کمیشنڈ افسر اور 3فوجی جوان جازان کے علاقے میں جاں بحق ہوئے۔ سعودی حکام کا اپنے بیان میں کہنا تھا کہ رواں ماہ کے اوائل سے جنوبی محاذ پر ہلاک ہونے والے فوجیوں کی تعداد 10 ہو گئی ہے۔ بیان میں تازہ واقع میں فوجیوں کی ہلاکت کے حوالے سے تفصیلات فراہم نہیں کی گئیں۔ یاد رہے کہ حوثی باغی سعودی عرب کے جنوبی علاقوں نجران اور جازان پر حملے کرتے رہتے ہیں۔