لاہور (اسپورٹس ڈیسک) آئی سی سی ٹیسٹ بیٹسمین رینکنگ میں بابراعظم کی چھٹی پوزیشن تازہ اکھاڑ پچھاڑ میں محفوظ رہی، اسد شفیق کا 20 واں نمبر بھی برقرار ہے، کپتان اظہر علی 27 ویں نمبر پر چلے گئے۔ ادھر بولرز میں محمد عباس 15 ویں اور یاسر شاہ 22 ویں پوزیشن پر قبضہ برقرار رکھے ہوئے ہیں۔ میلبورن میں آسٹریلیا اور نیوزی لینڈ جبکہ سنچورین میں جنوبی افریقا اور انگلینڈ کے درمیان ٹیسٹ میچز کے اختتام پر کئی پلیئرز کی رینکنگ میں اکھاڑ پچھاڑ ہوئی۔