حکومت نے آرمی چیف کی مدت ملازمت میں توسیع کے حوالے سے آرمی ایکٹ ترمیمی بل پارلیمنٹ میں پیش کردیا۔
تفصیلات کے مطابق اسپیکر قومی اسمبلی اسد قیصر کی زیر صدارت ہونے والے اجلاس میں وزیر دفاع پرویز خٹک نے آرمی ایکٹ بل، پاکستان ایئرفورس ترمیمی ایکٹ اور پاکستان بحریہ ترمیمی ایکٹ 2020 قومی اسمبلی میں پیش کیے ۔
تینوں بلوں کو قائمہ کمیٹی برائے دفاع کو بھیج دیا گیا جس کے بعد اسمبلی اجلاس کل صبح 11 بجے تک ملتوی کردیا گیا۔
نجی ٹی وی کا کہنا ہے کہ حکومت اور اپوزیشن کے درمیان قائمہ کمیٹی برائے دفاع کا اجلاس آج ہی طلب کرنے پر اتفاق ہوا ہے اور ان بلوں کو آج ہی کمیٹی سے منظور کرایا جائے گا۔
قائمہ کمیٹی سے منظور کے بعد ترمیمی بلوں کو کل پارلیمنٹ سے منظور کروایا جائے گا۔