امریکی اقدام سے اب کوئی محفوظ نہیں رہا،وقت آگیا ہے کہ تمام ممالک متحد ہو جائیں
کوالالمپور(مانیٹرنگ ڈیسک) ملائیشین وزیراعظم ڈاکٹر مہاتیر محمد نے امریکا پرتنقید کرتے ہوئے کہا ہے کہ کسی کو میری بات پسند نہیں تو کیا ڈرون بھیج کر ماردیں گے۔ ایرانی جنرل قاسم سلیمانی کی ہلاکت کے بعد اپنے بیان میں انہوں نے کہا کہ امریکی اقدام سے اب کوئی محفوظ نہیں رہا،وقت آگیا ہے کہ تمام ممالک متحد ہو جائیں۔ مہاتیر محمد کا کہنا تھا کہ ایرانی جنرل کو سعودی صحافی جمال خشوگی کی طرح دوسرے ملک کی سر زمین پر قتل کیا گیا۔