میرپور ساکرو (صباح نیوز)کراچی سے گاڈھو جانے والی مسافر کوسٹر میرپور ساکرو کے قریب نہر میں جاگری۔ تفصیلات کے مطابق کراچی سے ایک میت میں شرکت کے لیے گاڈھو جانے والی ایک کوسٹر جس میں بچوں اور خواتین سمیت 30 افراد سوار تھے، دھند کی وجہ سے میر پور ساکرو کے قریب تیز رفتاری کے باعث نہر میں گرگئی جس سے بس میں سوار تمام افراد شدید زخمی ہو گئے۔ زخمیوں کو ایمبولینس سروس اور پرائیوٹ گاڑیوں کے ذریعے شیخ زید اسپتال ساکرو پہنچا دیا گیا، 8 زخمیوں کو تشویشناک حالت کے سبب کراچی منتقل کردیا گیا۔
میر پور ساکرو: کوسٹر نہر میں جاگری 30 افراد شدید زخمی
القمر