راولپنڈی :پاک فوج نے 2 غیر ملکی کوہ پیماوں کو بحفاظت ریسکیو کرلیا ۔
تفصیلا ت کے مطابق 2 غیرملکی کوہ پیما دنیا کے 12 ویں بلند ترین پہاڑ براڈ پیک کو سر کرنے کی کوشش کررہے تھے کہ اپنی مہم کے دوران بیمار ہوگئے۔
آئی ایس پی آر کے مطابق غیرملکی کوہ پیماؤں میں امریکا کے ڈونلڈ ایلن اور فن لینڈ کی لوٹا ہنریکا اپنی مہم کے دوران بلتورو گلیشیئر کے مقام پر بیمار ہوگئے تھے جن کو پاک فوج کے آرمی ایوی ایشن کے پائلٹس نے ریسکیو کرکے بحفاظت بیس کیمپ پہنچا دیا۔