وزیراعظم عمران خان کا کہنا ہے کہ ہمارا مذہب خواتین کو مساوی حقوق فراہم کرنے کا درس دینا ہے، خواتین کےدن کے منانے کا مقصد خواتین کو برابر حقوق اور مواقع دینے کا عزم کا اعادہ کرنا ہے۔
عالمی یوم خواتین کے موقع پر وزیراعظم عمران خان نے اپنے بیان میں کہا ہے کہ ہم ہر وہ قدم اٹھائیں گے جس سے ہماری خواتین محفوظ اور خوشحال زندگی گزار سکیں، یہ بات خوش آئند ہے کہ ہماری خواتین زندگی کے ہر شعبے میں کام کر رہی ہیں، ہماری خواتین ہر شعبے میں قومی اور عالمی سطح پر پزیرائی حاصل کر رہی ہیں۔
وزیراعظم نے کہا ہے کہ ہم ہر وہ قدم اٹھائیں گے جس سے ہماری خواتین محفوظ اور خوشحال زندگی گزار سکیں۔
انہوں نے کہا ہے کہ میرا یقین ہے کہ پائیدار سماجی معاشی ترقی کا عمل خواتین کو برابر کے مواقع فراہم کرسکتا ہے، اس دن کے منانے کا مقصد خواتین کو برابر کے حقوق اور مواقع فراہم کرنا ہےاس کوشش میں ہمارے مذہب نے ہماری رہنمائی کی ہے۔
