کپواڑہ/شمالی ضلع کپواڑہ کے لولاب علاقے میں ایک 24 سالہ نوجوان کی لاش جنگل میں درخت سے لٹکی ہوئی برآمد ہوئی۔ایک عہدیدار نے بتایا کہ نوجوان، جو جنگل کے قریب رہائش پذیر تھا، ڈارپورہ،لولاب کے جنگلاتی علاقے میں اُس کی نعش ایک درخت سے لٹکی ہوئی حالت میں برآمد ہوئی ہے۔
عہدیدار کے مطابق ابتدائی تحقیقات سے معلوم ہوا ہے کہ نوجوان مبینہ طور پر ذہنی طور پر پریشان تھا اور اس نے جنگل میں خودکشی کی۔متوفی کی شناخت شوکت احمد پیر (24)ولد نظام دین پیرساکن ڈارپورہ لولاب کے طور پر ہوئی ہے۔پولیس نے واقعے کا نوٹس لیتے ہوئے مزید تحقیقات شروع کر دی ہیں، جبکہ مزید تفصیلات کا انتظار ہے۔
