لاس اینجلس(صباح نیوز) امریکا کی ریاست کیلیفورنیا کے شہر لاس اینجلس میں ایک عمارت میں بھڑکنے والی آگ نے متعدد عمارتوں کو اپنی لپیٹ میں لے لیا ، آگ بجھانے کی کوشش میں 11فائر فائٹرز زخمی ہوگئے ۔ غیرملکی خبررساں ادارے کے مطابق آگ پر قابو پانے کے لیے محکمہ فائربریگیڈ کے 250فائر فائٹرز حصہ لے رہے ہیں تاہم زخمی اہلکاروں کو اسپتال منتقل کردیا گیا ۔حکام کا کہنا ہے کہ مقامی وقت شام6:30منٹ پر ایک ہنگامی کال مصول ہوئی جس میں شہری نے بتایا کہ ایک کمرشل بلڈنگ میں زورداردھماکا ہوا ہے،کال موصول ہوتے ہی فائربریگیڈ کے اہلکار جائے وقوع پر پہنچے اور آگ پر قابو پانے کی کوشش کی۔فائربریگیڈ حکام کا کہنا ہے کہ آگ بجھا دی گئی اور آتشزدگی کی وجوہات جاننے کی کوشش کی جا رہی ہے۔
امریکا،آگ نے متعدد عمارتوں کو لپیٹ میں لے لیا، 11فائرفائٹرز زخمی
القمر