پاکستان ریلوے نے مزید 10 ٹرینیں بحال کردیں۔
وزیر ریلوے شیخ رشید نے کہا کہ مزید 10 مسافر ٹرینیں بحال کرنے سے 142 مسافر ٹرینوں میں سے 40 چل پڑی ہیں۔
انہوں نے کہا کہ ٹرینوں میں تمام حفاظتی انتظامات کیے گئے ہیں، اسٹیشن کی حدود میں صرف مسافروں کو آنے کی اجازت ہے۔
وزیر ریلوے کا کہنا تھا کہ وزیر اعظم کی اجازت کے بعد چند روز میں مزید ٹرینیں چلائیں گے۔
واضح رہےکہ کورونا وائرس کے باعث ملک میں نافذ لاک ڈاؤن کی وجہ سے ٹرین آپریشن معطل کیا گیا تھاتاہم بعد ازاں لاک ڈاؤن میں نرمی کے بعد ریلوے نے 28 مئی سے محدود پیمانے پر ٹرین آپریشن شروع کردیاتھا۔