اسلام آباد: وفاقی وزیراطلاعات شبلی فراز کا پٹرولیم مصنوعات کی قیمتوں میں اضافے سے متعلق کہنا ہے کہ پاکستان میں پٹرول کی قیمت میں کم اضافہ ہوا۔
سماجی رابطے کی ویب سائٹ ٹوئٹر پر وفاقی وزیراطلاعات شبلی فراز نے اپنے ایک پیغام میں کہا ہے کہ کورونا وبا نے دنیا بھرکی معیشتوں کومتاثرکیا، عالمی سطح پرپٹرولیم مصنوعات کی قیمتوں میں ایسااضافہ نہیں دیکھا۔
کروناوباءنے دنیا بھر کی معیشتوں کو متاثر کیا۔بین الاقوامی سطح پر پٹرولیم مصنوعات کی قیمتوں میں ایسااضافہ نہیں دیکھا۔اسی وجہ سے قیمتوں میں نظرثانی کرنا پڑی۔تاہم خطے کے دیگر ممالک کی نسبت پاکستان میں کم اضافہ ہوا۔عوام کی فلاح پہلی ترجیح ہے،انہیں ریلیف دینے کی کوشش کرتے رہیں گے۔
— Senator Shibli Faraz (@shiblifaraz) June 27, 2020
شبلی فرازنے کہا کہ اسی وجہ سے پٹرلیم مصنوعات کی قیمتوں میں نظرثانی کرناپڑی جبکہ خطے کے دیگرممالک کی نسبت پاکستان میں پٹرول کی قیمت میں کم اضافہ ہوا۔
وفاقی وزیراطلاعات شبلی فراز کا مزید کہنا تھا کہ عوام کی فلاح پہلی ترجیح ہے،انہیں ریلیف دینےکی کوشش کرتےرہیں گے۔