نیو یارک: اقوام متحدہ کی جنرل اسمبلی کے نومنتخب صدر کا دورہ پاکستان منسوخ ہوگیا۔
ترجمان دفتر خارجہ عائشہ فاروقی نے دورہ منسوخی کی تصدیق کرتے ہوئے بتایا ہے کہ جنرل اسمبلی کے نومنتخب صدر وولکن بوزکر کا دورہ پاکستان لاجسٹکس مسائل کے باعث منسوخ ہوا۔
نومنتخب صدر وولکن بوزکر نے پیر کو پاکستان کے دورے پر آنا تھا۔ نومنتخب صدر نے وزیر خارجہ شاہ محمود قریشی کی دعوت پر دورہ کرنا تھا۔
سفارتی ذرائع کے مطابق نومنتخب صدر اقوام متحدہ میں ذمہ داریاں سنبھالنے کے بعد پاکستان آئیں گے۔
