یورپی مشن میں شرکت کے لیے جرمن فریگیٹ بحیرہ روم کی جانب گامزن

برلن (انٹرنیشنل ڈیسک) جرمن بحریہ کا ایک فریگیٹ ’’ہیمبرگ‘‘ یورپی یونین کے مشن ’’ایرینی‘‘میں شرکت کے لیے بحیرہ روم کی جانب گامزن ہے، جس پر تقریباً ڈھائی سو فوجی اہل کار موجود ہیں۔ یورپی یونین کا مشن ایرینی رواں برس مئی کے اوائل سے شروع ہوا تھا، جس کا مقصد اقوام متحدہ کی جانب سے لیبیا پر عائد ہتھیاروں کی پابندی کی نگرانی کرنا ہے۔ جرمن بحریہ کا کہنا ہے کہ امید یہ ہیمبرگ فریگیٹ رواں ماہ کے وسط تک اپنی منزل تک پہنچ جائے گا، جو 2 دسمبر تک علاقے میں موجود رہے گا۔ خبر رساں اداروں کیم طابق اگرچہ ہیمبرگ فریگیٹ کا بنیادی مشن مہاجرین کو بچانا نہیں ہے تاہم توقع ہے کہ وہ بحیرہ روم میں اس طرح کی امدادی کارروائیوں میں بھی حصہ لے گا۔
جرمن بحریہ کا فریگیٹ یورپی یونین کے مشن میں شمولیت کے لیے روانہ ہو رہا ہے