اٹلی کے ٹیلیویژن پر نشر ہونے والے ‘لیریدیتا’ نامی کوئیز شو میں میزبان نے مقبوضہ بیت المقدس کو اسرائیل کا دارالحکومت قرار دیا جس پر اٹلی کی فلسطینی ایسوسی ایشن نے عدالت سے رجوع کرلیا۔
غیر ملکی نیوز ایجنسی پی پوسٹ 24 کے مطابق اطالوی کوئیز شو میں جب میزبان نے مقابلے میں حصہ لینے والوں سے سوال کیا کہ اسرائیل کا دارالحکومت کونسا ہے تو امیدوار نے جواب دیا تل ابیب جس پر میزبان نے ان کی تصریح کرتے ہوئے کہا اسرائیل کا دارالحکومت بیت المقدس ہے۔
میزبان کے اس جواب پر اٹلی میں قائم فلسطینی ایسوسی ایشن نے برہمی کا اظہار کیا اور عدالت سے رجوع کیا جس پر عدالت کا کہنا تھا کہ یہ معاملہ متنازعہ ہے جس پر کوئی بھی فیصلہ صادر کرنا قبل از وقت ہوگا تاہم بین الاقوامی قانون کی نظر میں بیت المقدس اسرائیل کا دارالحکومت نہیں ہے۔
