دُبئی: اسرائیلی وزیراعظم بینجمن نیتن یاہو نے رواں سال کے آخر میں متحدہ عرب امارات کا دورہ کرنےکاعندیہ دے دیا۔
اسرائیلی وزیراعظم نے یو اے ای میں مقیم یہودی برادری سے ویڈیو کانفرنس میں گفتگو کرتے ہوئے کہا کہ انہیں اُمید ہے کہ وہ اس سال کے آخر میں امارات کا دورہ کریں گے، یہ اسرائیلی ریاست اور یہودی قوم کے لیے ایک عظیم دن ہے۔
بینجمن نیتن یاہو نے کہاکہ ہم امن قائم کرنے کی دہلیز پر کھڑے ہیں، متحدہ عرب امارات اور اسرائیلی ریاست کے درمیان امن معاہدہ، عرب دُنیا اور اسرائیل کے درمیان امن کا عمل بڑھانے کی جانب قدم ہے، یہ امن اسرائیلی ریاست، اسرائیلی عوام اور خطے کے لوگوں کے بہترین مفاد میں ہے۔
נתניהו קיים היום שיחת זום עם ראשי הקהילה היהודית באיחוד האמירויות ואמר להם כי הוא "מקווה לבקר בקרוב, בשנה הזאת, באיחוד האמירויות” pic.twitter.com/PF2pHEeB5m
— Barak Ravid (@BarakRavid) August 20, 2020
انہوں نے مزید کہا کہ ‘اگر یو اے ای نے کورونا پر قابو پا لیا تو مصافحہ بھی کروں گا، آپ سب لوگوں کا بہت شکریہ ، یروشلم کےباسیوں کا سلام میری جانب سے قبول کیجیے۔
واضح رہے کہ اس سے قبل گزشتہ ہفتے اسرائیلی وزیر خارجہ گابی اشکنازی اور اماراتی وزیر خارجہ عبداللہ بن زاید کی جانب سے سفارتی سطح پر پہلا رابطہ بھی کیا گیا ہے۔