افغانستان میں بارودی سرنگ کا دھماکا 12سیکورٹی اہلکار جاں بحق

کابل (اے پی پی) افغانستان کے صوبے بلخ میں بارودی سرنگ کے زوردار دھماکے میں کم از کم 12 سیکورٹی اہلکار جاں بحق ہو گئے۔ مقامی انتظامیہ کے اعلیٰ عہدیدار محمد یوسف اولم زادہ کا کہنا ہے کہ صوبہ بلخ کے علاقے یختان میں سیکورٹی اہلکاروں کی ایک گاڑی کو بارودی سرنگ کے دھماکے سے اڑا دیا گیا۔ اس دھماکے میں 12 سیکورٹی اہلکار ہلاک اور کئی زخمی ہو گئے۔ابھی تک کسی نے اس دھماکے کی ذمے داری قبول نہیں کی ہے ۔