اینٹانانیریو (انٹرنیشنل ڈیسک) جزائر پر مشتمل افریقی ملک مڈغاسکر کی جیل میں محافظوں اور قیدیوں میں جھڑپ کے دوران 20 افراد ہلاک ہوگئے۔ وزارت انصاف کے مطابق پُرتشدد واقعہ جنوب مشرقی شہر فارافنگانا میں پیش آیا، جہاں قیدیوں نے فرار ہونے کے لیے محافطوں پر اینٹوں اور پتھروں سے حملہ کردیا اور ایک اہل کار سے بندوق چھیننے میں کامیاب ہوگئے۔ جھڑپ کے بعد حکام نے پولیس اور فوج کو طلب کر لیا، تاہم اس کشمکش میں 88 قیدی فرار ہونے میں کامیاب ہوگئے۔ پولیس نے شہر بھر میں تلاش جاری رکھی اور 37 کو دوبارہ گرفتار کر لیا۔