کویت نے بیرون ملک پھنسے طبی عملے کی تنخواہوں کی ادائیگی کا عمل روک دیا۔
بین الاقوامی میڈیا رپورٹس کے مطابق کورونا وبا کے دوران پابندیوں کے باعث بیرون ملک میں پھنسے ڈاکٹرز، ٹیکنیشنز، انتظامی افسران، طبی عملے اور وہ غیرملکی ورکز جن کی چھٹیاں ختم ہو گئی ہیں ان کی تنخواہیں معطل کر دی گئی ہیں۔
وزارت صحت نے کہا ہے کہ ہزاروں افراد فروری میں کورونا بحران کے باعث بیرون ملک چلے گئے اور تاحال واپس نہیں آئے، ان میں وہ افراد بھی شامل ہیں جن کا شمار ایسے ممالک میں ہوتا ہے جہاں سے کویت آنے والوں پر کورونا کی وجہ سے پابندی عائد ہے۔
ایک اندازے کے مطابق ہزار سے زائد طبی عملے کے ارکان کی تنخواہویں روک دی گئی ہیں اور ان میں بیشتر کا تعلق بھارت سے ہے۔
