اسرائیلی فوج نے انکشاف کیا ہے کہ گزشتہ روز لبنان کی حدود سے اسرائیلی ڈیفنس فورس پرفائرنگ کی گئی جس کے جواب میں اسرائیل نے لبنان کی سرحدی حدود میں حزب اللہ کے متعدد ٹھکانوں کو نشانہ بنایا۔
ٹائمز آف اسرائیل کے مطابق اسرائیلی فوج کا کہنا ہے کہ لبنان کی حدود سے اسرائیلی فورسز پرفائرنگ کی گئی جس کے جواب میں اسرائیل نے لبنان کی سرحدی حدود میں گھس کر حزب اللہ کے ٹھکانوں کو نشانہ بنایا، اسرائیل کی جانب سے سن 2006کے بعد یہ پہلا موقع ہے جب لبنان کی حدود میں اسرائیل نے فضائی حملہ کیا۔ اسرائیل کی جانب سے لبنان میں زخمی ہونے یا جھڑپوں کی کوئی اطلاع فراہم نہیں کی۔
دوسری جانب لبنان کے المنارٹی وی نے کہا ہے کہ اسرائیل نے لبنان کی شمالی سرحد کے قریب فاسفورس فائر کیے۔
واضح رہے کہ دونوں ملکوں کے درمیان جنرل قاسم سلیمانی کے قتل اور بیروت دھماکوں کے بعد کشیدگی عروج پر ہے ، حزب اللہ نے الزام عائدکرچکی ہے کہ بیروت دھماکوں میں اسرائیل اور امریکا ملوث ہیں۔