امریکی شاپنگ سینٹر میں دھماکا 5افراد زخمی

واشنگٹن(اے پی پی) امریکی ریاست ورجینیا کے علاقے ہیریسن برگ میں واقع ایک شاپنگ سینٹر میں گیس دھماکے کے نتیجے میں کالج کے 3 طلبہ سمیت 5 افراد زخمی ہوگئے۔سرکاری ترجمان نے بتایا کہ جیمز میڈیسن یونیورسٹی کیمپس کے قریب ایک شاپنگ سینٹر میں دھماکے سے عمارت میں آگ لگ گئی۔ جو قریب ہی 2 دیگر تجارتی عمارتوں میں پھیل گئی جس پرامدادی کارروائیوں کے بعد قابو پالیا گیا۔