اسلام آباد: وفاقی وزیر اطلاعات و نشریات سینیٹر شبلی فراز نے کہا ہے کہ آر پار کی باتیں کرنے والوں کے مقدر میں”تخت نہیں جیل” ہے۔
اپنے ٹوئٹر پیغام میں وفاقی وزیر اطلاعات سینیٹر شبلی فراز نے کہا کہ آر پار کی باتیں کرنے والوں کے مقدر میں”تخت نہیں جیل “ہے۔ اپوزیشن اگلے تین سال تک اپنے سیاسی نصیب پر صبر کرے، پی ڈی ایم 2018 کے عوامی فیصلے کی نفی نہیں کرسکتی، یہ اقتدار سے محروم متاثرین کا اجتماع ہے۔
وزیر اطلاعات نے کہا کہ غیر منتخب لوگوں کا منتخب نمائندوں پر استعفیٰ کیلئے دباؤ ڈالنا جمہوریت نہیں ہے۔
