یمن میں امریکی ڈرون حملہ القاعدہ کا رکن جاں بحق

صنعا (انٹرنیشنل ڈیسک) یمن کے شمال مشرقی صوبے مارب میں مبینہ امریکی ڈرون حملے میں القاعدہ کا ایک رکن ہلاک ہوگیا۔ مقامی حکام نے بتایا کہ ڈرون نے وادی ضلع کے علاقے بطحا میں موٹر سائیکل سوار القاعدہ تنظیم کے ایک رکن کو نشانہ بنایا۔ حملے میں ہلاک ہونے والے شخص کی شناخت نہیں ہوسکی اور اس کی موٹر سائیکل بھی مکمل طور پر جل کر تباہ ہو گئی۔ اس سے قبل 27 اکتوبر کو اسی طرح کے ڈرون حملے میں ایک گاڑی کو نشانہ بنایا گیا تھا۔