وزیر سائنس اینڈ ٹٰیکنالوجی فواد چوہدری کا کہنا ہے کہ کورونا ویکسین کے معیار پر کوئی سمجھوتہ نہیں کیا جائے گا.
سماجی رابطے کی ویب سائٹ ٹوئٹر پر وفاقی وزیرسائنس اینڈ ٹٰیکنالوجی فواد چوہدری نے کورونا ویکسین کے حوالے سے کہا ہے کہ کووڈ 19 کی ویکسین کی پاکستان میں درآمد پیچیدہ اوراہم معاملہ ہے اور کورونا ویکسین خریداری کیلئے کابینہ کمیٹی کا کل اجلاس ہوا.
انہوں نے کہا کہ کمیٹی کا ہدف ہے بہترین ویکسین کم قیمت پرجلد مہیا ہوسکے، قیمت سے زیادہ اہم ویکسین کا مکمل محفوظ ہونا ہے اور کووڈ 19 کی ویکسین کے معیار پر کوئی سمجھوتہ نہیں کیا جائے گا.
کرونا ویکسین خریداری-کابینہ کمیٹی کا پہلا اجلاس کل ہوا، ویکسین کی پاکستان میں درآمد پیچیدہ اور اہممعاملہ ہے،کمیٹی کا ٹارگٹ ہے کہ بہترین ویکسین کم قیمت پر پاکستان میں جلد از جلد مہیا ہو سکے، قیمت سے زیادہ اہم ویکسین کا مکمل محفوظ ہونا ہے اور معیار پر کوئ سمجھوتہ نہیں کیا جائیگا
— Ch Fawad Hussain (@fawadchaudhry) December 24, 2020
واضح رہے کہ 24 گھنٹوں کے دوران ملک میں 111 اموات ہونے کے ساتھ ساتھ کورونا وائرس کے مصدقہ مریضوں کی تعداد 4 لاکھ 65 ہزار 70ہوگئی اور 9,668 مریض انتقال کرگئے جبکہ فعال کیسز کی38 ہزار268 ہوگئی.