پاکستان پیپلز پارٹی نے صوبے سندھ کے وسائل کے تحفظ کا بھرپور دفاع کرنے کا فیصلہ کرلیا۔
پیپلزپارٹی کے سیکریٹری جنرل نیئر حسین بخاری نے اپنے بیان میں صوبائی اسپتال وفاقی تحویل میں لینا سے متعلق نوٹی فکیشن واپس لینے کا مطالبہ کردیا۔
نیئر حسین بخاری نے کہا کہ نوٹی فکیشن غیر آئینی اور صوبائی معاملات میں برائے راست مداخلت ہے۔ وفاقی کے صوبوں کے حقوق پر ڈاکے کو کسی صورت قبول نہیں کریں گے۔
انہوں نے کہا کہ صوبائی اسپتال وفاقی تحویل میں لینا آئین کی خلاف ورزی ہے۔ اٹھارہویں آئینی ترمیم کے بعد تعلیم صحت صوبائی معاملہ بن چکا ہے۔
ان کا کہنا تھا کہ اٹھارہویں ترمیم کو بچانے کے لیے پیپلزپارٹی کو جس حد تک جانا ہوا جائیں گے۔