واشنگٹن (انٹرنیشنل ڈیسک) امریکا کے دارالحکومت واشنگٹن ڈی سی اور اس سے ملحقہ ورجینیا اور میری لینڈ کی ریاستوں میں برف باری جاری ہے، جب کہ موسم سرما کا شدید طوفان وسط مغربی علاقے میں شدید برف باری کا سبب بنے گا۔ دارالحکومت واشنگٹن ڈی سی میں اتوار کی صبح ڈیڑھ انچ تک برف باری ریکارڈ کی گئی، جب کہ ورجینیا اور میری لینڈ میں بھی برف باری جاری ہے۔ واشنگٹن ڈی سی میں 2 سال کے بعد اتنی زیادہ برف پڑی ہے۔ پورے علاقے میں سرد طوفان کے پیش نظر لوگوں کو حفاظتی تدابیر اختیار کرنے کے لیے خبردار کیا گیا ہے۔ موسم سرما کے طوفان نے کیلیفورنیا کی پہاڑیوں پر برف کی چادر بچھا دی ہے۔