لندن: بورس جانسن کا کہنا ہے کہ افغانستان میں طالبان کی حکومت کو وقت سے پہلے تسلیم کرنا غلطی ہوگی۔
برطانوی وزیر اعظم بورس جانسن نے پارلیمنٹ سے خطاب کرتے ہوئے کہا کہ طالبان کے دہشت گردی، منشیات اور خواتین سے متعلق رویے کو پرکھنا ہوگا، طالبان کے الفاظ پر نہیں عمل پر یقین کریں گے۔
بورس جانسن نے کہا کہ افغانستان کے مستقبل کی فکر کرنے والے ممالک طالبان کے طرزِ عمل پر غور کریں، کسی بھی ملک کا کابل کی نئی حکومت کو وقت سے پہلے تسلیم کرنا غلطی ہوگی۔
انہوں نے کہا کہ برطانیہ نے دو ہزار سے زائد افغان شہریوں کو کابل سے نکا لیا جبکہ 306 برطانوی شہریوں کا بھی افغانستان سے انخلا کیا گیا ہے۔