لاہور: مسلم لیگ ن کی ترجمان مریم اورنگزیب کا کہنا ہے کہ عوام کیلئے عمران خان کا استعفیٰ سب بڑا ریلیف پیکج ہے۔
وزیراعظم کی جانب سے سب سے بڑے عوامی پیکج کے حوالے سے ردعمل دیتے ہوئے مریم اورنگزیب نے کہا کہ ملک میں مہنگائی، معاشی تباہی اور بے روزگاری کے ذمہ دار عمران صاحب ہیں جن کی پہلی اور آخری ترجیح جھوٹ، دھوکہ اور قوم کی زندگی کو عذاب بنانا ہے۔
انہوں نے کہا کہ بہتر ہے قوم سے خطاب کر کے جھوٹوں میں اور اضافہ نہ کریں، ان کا استعفیٰ سب بڑا ریلیف پیکج ہے جو عوامی مشکلات میں کمی اور آسانیاں لانے کا سنگ میل ثابت ہوگا۔
مہنگائی معاشی تباہی بے روزگاری کے ذمہ دار عمران صاحب ہیں جن کی پہلی اور آخری ترجیح جھوٹ،دھوکہ اور قوم کی زندگی کو عذاب بنانا ہے.بہتر ہے قوم سے خطاب کر کے جھوٹوں میں اور اضافہ نہ کریں۔ان کا استعفیٰ سب بڑا ریلیف پیکج ہے جو عوامی مشکلات میں کمی اور آسانیاں لانے کا سنگ میل ثابت ہوگا https://t.co/KpCjtQjroN
— Marriyum Aurangzeb (@Marriyum_A) November 3, 2021
اس سے قبل فواد چوہدری نے ٹوئٹ کرتے ہوئے کہنا تھا کہ عوام کی تکالیف کا تدارک عمران خان کی پہلی ترجیح ہے، وہ عوام کو ریلیف فراہم کرنے کیلئے ہر حد تک جائیں گے۔ قوم سے خطاب میں ملکی تاریخ کے بڑے عوامی ریلیف پیکج کا اعلان کریں گے۔ یہ پیکج عوام کی مشکلات میں کمی اور ان کی زندگیوں میں آسانیاں پیدا کرنے کیلئے سنگ میل ثابت ہوگا۔