حیدرآباد(اسٹاف رپورٹر)قومی اسمبلی میں ریلوے کی قائمہ کمیٹی کے چیئرمین معین وٹو نے کہا ہے کہ ایم ایل ون پروجیکٹ پر چند ماہ میں کام ہونے کی امید ہے ، دونوں ممالک کے درمیان معاہدے کے کاغذات پر دستخط ہونے ہیں ۔ پاکستان ریلوے بدحالی کا شکار ہے وہ بذریعہ ٹرین چھور اور کھوکھرا پار سے دورے کی واپسی کے بعد حیدرآباد ریلوے اسٹیشن پر میڈیا سے گفتگو کررہے تھے۔ اس موقع پرقائمہ کمیٹی کے رکن اور رکن قومی اسمبلی صابر قائم خانی،
رکن صوبائی اسمبلی راشد خلجی اور دیگر بھی موجو دتھے۔ معین وٹو نے کہا کہ محکمہ ریلوے کے ملازمین کی پنشن اور دیگر معاملات کے حوالے سے قائمہ کمیٹی نے حکومت کو سفارش کی ہے اس کے علاوہ کمیٹی نے ریلوے کی زمین پر تجاوزات ختم کرنے پر بھی زور دیا ہے، ملک بھر میں ریلوے کی زمین پر تجاوزات ختم ہونی چاہیے۔