پنجاب یونیورسٹی میں سرائیکی سٹوڈنٹس کے لئے مختص کوٹہ ختم کرنے کے خلاف یونیورسٹی میں زیر تعلیم سرائیکی سٹوڈنٹس سراپا احتجاج بن گئے اور انہوں نے گزشتہ روز وائس چانسلر پنجاب یونیورسٹی آفس کے باہر شدید احتجاج کرتے ہوئے یونیورسٹی انتظامیہ کے خلاف شدید نعرے بازی کی۔ مظاہرے میں شامل طلباء و طالبات نے ہاتھوں میں بینرز اور پلے کارڈ اٹھا رکھے تھے جن پر یونیورسٹی انتظامیہ کے خلاف نعرے درج تھے۔ مظاہرین کا کہنا تھا کہ یونیورسٹی انتظامیہ نے سرائیکی سٹوڈنٹس کا کوٹہ ختم کر کے ان کے ساتھ زیادتی کی جبکہ یونیورسٹی انتظامیہ یونیورسٹی میں زیر تعلیم سرائیکی سٹوڈنٹس کو تقریبات منعقد کرنے کی بھی اجازت نہیں دے رہی۔
