پیرا گوئے (جسارت نیوز) برازیل نے کولمبیا کو شکست دے کر ورلڈ انڈر-15 فٹ سال کپ جیت لیا۔ گذشتہ شپ ہرنانڈ سریاس اسپورٹس کمپلیکس میں کھیلے گئے ٹورنامنٹ کے فائنل میں وقفے تک برازیل کو 1-0 کی برتری حاصل تھی۔ دوسرے ہاف میں کولمبیا نے ایک گول جبکہ برازیل نے مزید 2 گول کرکے مقابلہ3-1 گول سے جیت لیا۔ فائنل سے قبل تیسری پوزیشن کے کھیلے گئے میچ میں پیراگوئے نے ارجنٹائن کو 9-1 گول سے ہرا دیا۔ عالمی انڈر-15 فٹ سال کپ میں 12 ممالک کی ٹیموں نے حصہ لیا جن میں برازیل، کاتالونا، میکسیکو، کینیڈا، کولمبیا، ارجنٹائن، بولیویا، پاکستان، پیراگوئے،یوراگوئے،ایکواڈور اوردیگر ٹیمیں شامل تھیں۔