انقرہ: ترکی کے صدر رجب طیب اردوان پر قاتلانہ حملے کی سازش ناکام بنا دی گئی ہے۔
ترک میڈیا کے مطابق ترک صدر رجب طیب اردوان پر صوبہ سیرت کے دورہ کے موقع پر حملے کا منصوبہ بنایا گیا، طیب اردوان کی سیکیورٹی پر مامور گاڑی میں بارودی مواد نصب کیا گیا۔
ترک میڈیا کے مطابق بم ڈسپوزل اسکواڈ نے نصب شدہ بارودی مواد کو ناکارہ بنا دیا۔
فرانزک تفتیش کاروں نے دھماکا خیز مواد اور سیکیورٹی کی گاڑی کو انگلیوں کے نشانات کے لیے اسکین کرلیا ہے جبکہ مجرم کی تلاش کے لیے تحقیقات شروع کر دی گئی ہیں۔